tjetri »

[Gimi]

Davutollu: një marrëveshje midis qeverisë së Afganistanit dhe Talebanit nuk ka për ti dhënë fund kërcënimit të Al Kaidës
Kryetari i Shtetit të Afganistanit Hamid Karzai ka deklaruar se shpreson që brenda disa javësh të fillojë procesi i pajtimit kombëtar në të cilin përfshihet edhe Talebani.


Ministri i Jashtëm i Turqisë, Ahmet Davutollu është shprehur se një marrëveshje midis qeverisë së Afganistanit dhe Talebanit nuk ka për ti dhënë fund kërcënimit të Al Kaidës.

Korrespondenti i politikës së jashtme Damien McElroy i gazetës angleze The Daily Telegraph ka publikuar një artikull pas intervistës që bëri me Davutollunë.

Në lajm rikujtohet se Kryetari i Shtetit të Afganistanit Hamid Karzai ka deklaruar se shpreson që brenda disa javësh të fillojë procesi i pajtimit kombëtar në të cilin përfshihet edhe Talebani.

McElroj përcjell fjalët e Ministrit të Jashtëm turk Davutollu i cili ka thënë: "Nuk duhet të mendojmë se midis Talebanit dhe Al Kaidës ka një ngjashmëri të plotë, sepse shumë anëtarë të Talebanit vijnë nga populli afgan dhe një pajtim kombëtar u intereson edhe atyre. Lidhur me burimin e këtij problemi duhet të mendojmë arsyet e tija".

McElroy gjithashtu në artikullin e tij shkruan se Davutollu është shprehur se për problemin midis Izraelit dhe vendeve Arabe dhe konflikteve të tjera që kanë ngjallur reagimin e myslimanëve, duhet zhvilluar një strategji më e detajuar.

Davutollu gjithashtu ka thënë se "... përhapja e Al Kaidës në Jemen kërcënon të gjithë Lindjen e Mesme. Ne i kuptojmë problemet kritike në Jemen dhe kjo situatë mund të përhapet nga Jemeni në të gjithë rajonin".